Ба Вазорати фарҳанги Ҷумҳурии Тоҷикистон аз Сафорати Ҷумҳурии Тоҷикистон дар Ҷумҳурии Беларус нома ва шаҳодатномаи иштироки рассом Далер Миҳтоҷов дар Озмуни байналмилалии плакатҳои иҷтимоӣ «Ҳозир» («Сейчас») ворид гардид. Озмуни мазкур дар шаҳри Мински Ҷумҳурии Беларус баргузор гардида, ба даври аввали озмун аз миқдори зиёди плакатҳо 250 плакат интихоб гардида буданд. Дар ин бора сомонаи Ахбори Беларус https://belta.by хабар медиҳад. 100 асари беҳтарини ба озмун пешниҳодгардида дар Маркази миллии санъати муосир ба намоиш гузошта шуда буданд, ки дар радифи онҳо асари рассоми тоҷик Далер Миҳтоҷов низ ҷой дошт. Ҳакамони байналмилалӣ осори мусаввиронро аз 24 кишвари дунё, ки ба кумитаи тадорукоти озмун пешниҳод гардида буданд, баҳогузорӣ намуда, аз байни онҳо 100 асари беҳтаринро интихоб намуданд.
http://vfarhang.tj/index.php/tj/khabar-o/2572-dastovardi-daler-mi-tochov-dar-ozmuni-bajnalmilalii-plakat-oi-i-timo-ozir-sejchas-dar-minsk
